Kyk wie kampeer by Kaap Agulhas!

First published in Die Burger, 2017

Perde hou verlede jaar hul lyf kampeerder by D-Kamp by Kaap Agulhas

Besoekers aan Kaap Agulhas was die laaste naweek van Februarie (2017) baie verbaas om ietwat ongewone kampeerders by D-Kamp te sien.

‘n Stuk of 30 perde het doodluiters op die kampterrein gewei terwyl hul ruiters oor hulle gehou het.

By D-Kamp op Kaap Agulhas kamp perde vir ‘n slag uit

Die perde en hul ruiters van verskeie dele van die land – onder meer Beaufort-Wes, die Paarl, Bredasdorp en Robertson – het kom deelneem aan ‘n sosiale rit.

Terselfdertyd is op Elim ‘n uithourit gehou, maar die twee het nie met mekaar verband gehou nie.

D-Kamp is net onder die “ou hotel” van donkiejare gelede.

Deesdae heet die gebou Stormsee en is dit in private verblyf omskep.

By D-Kamp by Kaap Agulhas is die ou hotel van dekades gelede in individuele verblyf omskep, maar daarvan weet perd se kind niks